Key Partnerships –

पार्टनरशिप कोणासोबत करावी?

Key Partnerships म्हणजेच व्यवसाय वाढविण्यासाठी तयार केलेले धोरणात्मक संबंध आणि भागीदारी. या पार्टनरशिप्सचा उद्देश व्यवसाय मॉडेल अधिक सक्षम करणे, रिस्क कमी करणे आणि नवीन रिसोर्सेस मिळवणे हा असतो. सप्लायर, डिस्ट्रिब्युटर आणि व्यवसाय सुरळीत चालवण्यासाठी मदत करणारे सर्व भागीदार हे तुमच्या व्यवसायाचे महत्त्वाचे घटक असतात.

बिझनेस मॉडेल तयार करण्यासाठी मुख्यतः 4 प्रकारच्या पार्टनरशिप्स केल्या जातात: एकमेकांची संसाधने वापरण्यासाठी वेगवेगळ्या क्षेत्रातील, स्पर्धक नसलेल्या कंपन्यांमध्ये होणारी धोरणात्मक भागीदारी; मार्केटमधील नवीन संधींचा फायदा घेण्यासाठी दोन स्पर्धक कंपन्यांमध्ये होणारी पार्टनरशिप; व्यवसायाच्या कक्षा विस्तारण्यासाठी दोन कंपन्यांमध्ये होणारे जॉइंट व्हेंचर स्वरूपाचे सहकार्य; आणि व्यवसाय सुरळीत चालवण्यासाठी सप्लायरसोबतची भागीदारी.

व्यवसायाच्या सुरुवातीला सर्व रिसोर्सेस स्वतः उपलब्ध करणे खर्चिक असल्याने, अशा व्यवसाय वाढीसाठी लागणारे महत्त्वाच्या रिसोर्सेस चा लाभ पार्टनरशिपद्वारे घेता येतो. योग्य धोरण आखून पार्टनरशिप्सचा तयार केल्या तर त्याचा अधिकाधिक फायदा होतो. तुमच्या प्रमुख पार्टनरसोबत दीर्घकालीन, दूरदृष्टीपूर्ण व्यावसायिक संबंध निर्माण करणे महत्त्वाचे आहे.

मुख्य पार्टनर आणि सप्लायर निश्चित केल्यामुळे मराठी उद्योजकांना मिळणारे 5 प्रमुख फायदे:

1. पार्टनरशिपमुळे नवीन रिसोर्सेस तयार करण्याचा खर्च कमी करता येतो
2. पार्टनरच्या सहाय्याने तुमच्याकडे नसलेली कौशल्ये आणि मनुष्यबळ मिळवता येते
3. पार्टनरच्या नेटवर्कचा वापर करून कमी वेळेत व्यवसायाचा विस्तार करता येतो
4. योग्य पार्टनर मिळाल्याने कार्यक्षमतेत वाढ करता येते, तसेच ऑपरेशनल खर्च आणि रिस्क कमी करता येतात
5. प्रतिष्ठित कंपन्यांशी भागीदारी केल्याने ब्रँड बिल्डिंगला मदत होते
   

पार्टनरशिप कोणासोबत करायची हे ठरवण्यासाठी हे करा:

1. तुमचे Value Proposition डिलिव्हर करण्यासाठी कोणते पार्टनर्स आवश्यक आहेत हे शोधा
2. पार्टनरशिपद्वारे नवीन ग्राहक मिळवता येतात का आणि Customer Acquisition Cost कमी करता येईल का हे तपासा
3. पार्टनरशिपमुळे कोणते Key Resources उपलब्ध होतात हे तपासा
4. पार्टनर किंवा सप्लायरने तुमच्यासाठी कोणत्या ऍक्टिव्हिटी करणे अपेक्षित आहे हे ठरवा
5. पार्टनरशिप ऍग्रीमेंट तयार करा आणि पार्टनरसोबत होणारे वाद कसे टाळता येतील हे ठरवा

पार्टनरशिप चे 4 मुख्य प्रकार:

1. Strategic Alliances between Non-Competitors: एकमेकांची संसाधने वापरण्यासाठी वेगवेगळ्या क्षेत्रातील, स्पर्धक नसलेल्या कंपन्यांमध्ये होणारी धोरणात्मक भागीदारी. जसे की, टेक्नॉलॉजी कंपनी ने लॉजिस्टिक कंपनी सोबत केलेली पार्टनरशिप.  

2. Coopetition: Strategic Partnerships between Competitors: मार्केटमधील नवीन संधींचा फायदा घेण्यासाठी दोन स्पर्धक कंपन्यांमध्ये होणारी पार्टनरशिप, स्पर्धकांमधील धोरणात्मक सहकार्य. जसे की मोबाईल मॅन्युफॅक्चरिंग कंपनीने मोबाईल बॅटरी मॅन्युफॅक्चरिंग कंपनी सोबत केलेली पार्टनरशिप. 

3. Joint Ventures to Develop new Businesses: नवीन व्यवसाय किंवा बाजारपेठ विकसित करण्यासाठी चालवलेला संयुक्त उपक्रम, व्यवसायाच्या कक्षा विस्तारण्यासाठी दोन कंपन्यांमध्ये होणारे जॉइंट व्हेंचर स्वरूपाचे सहकार्य. जसे की, कार मॅन्युफॅक्चर कंपनी ची टेक्नॉलॉजी कंपनी सोबत केलेली पार्टनरशिप. 

4. Buyer-supplier Relationships to Assure Reliable Supplies: पुरवठा सुनिश्चित करण्यासाठी सप्लायर सोबत तयार केलेले संबंध. जसे की, रेस्टोरंट ने फार्मर प्रोड्युसर कंपनी सोबत केलेली पार्टनरशिप.

पार्टनरशिप तयार करण्यामागील 3 मुख्य उद्देश:

• Optimization & Economy of Scale: उत्पादन खर्च कमी करण्यासाठी आणि मोठ्या प्रमाणात उत्पादन घेतल्याने मिळणाऱ्या फायद्यासाठी (Economy of Scale) तयार केलेली पार्टनरशिप
• Reduction of Risk & Uncertainty: स्पर्धात्मक परंतु अनिश्चितता असलेल्या बाजारपेठेत रिस्क कमी करण्यासाठी केलेली पार्टनरशिप 
• Acquisition of Particular Resources & Activities: बौद्धिक संपदा, माहिती, आणि लायसेन्स यांचा लाभ घेण्यासाठी किंवा विशिष्ट ऍक्टिव्हिटी परफॉर्म करण्यासाठी तयार केलेली पार्टनरशिप

बिझनेस मॉडेल ब्लॉग