स्टार्टअप महाराष्ट्र विषयी

स्टार्टअप महाराष्ट्र हा मराठी तरुणांच्या सामाजिक-आर्थिक उत्थानासाठी कार्यरत उपक्रम आहे. स्टार्टअप सुरु करण्याची स्वप्ने बघणाऱ्या हजारो मराठी तरुणांना सोबत जोडताना आम्ही महाराष्ट्रधर्म जागवत आहोत आणि अभिमानाने नवतरुण मराठी उद्योजकांच्या पिढ्या घडवत आहोत.

मराठी युवकांना उद्यमी बनवणे, त्यांची एक सशक्त कम्युनिटी तयार करणे, स्टार्टअप फंडिंग प्रोसेस विषयी तंत्रशुद्ध माहिती देणे, आणि त्यातून महाराष्ट्राच्या निमशहरी व ग्रामीण भागात शाश्वत रोजगार निर्माण करणे या उद्दिष्टांनी प्रेरित होऊन स्टार्टअप महाराष्ट्र टीम कार्यरत आहे.

मराठी उद्योजकांसाठी दर महिन्याला नेटवर्किंग मीटअप इव्हेंट्स आयोजित करणे, स्टार्टअप विषयीचे इत्यंभूत ज्ञान मराठी मध्ये उपलब्ध करून देणे, बिझनेस मॉडेल कॅनव्हास आणि स्टार्टअप फंडिंग प्रोसेस विषयी सखोल माहिती ग्रामीण महाराष्ट्रापर्यंत पोहोचवणे, विविध इंडस्ट्रीजसाठी स्टार्टअप मेंटॉर्स उपलब्ध करून देणे, अशा नाविन्यपूर्ण उपक्रमांमुळे स्टार्टअप महाराष्ट्र हा मराठी उद्योजकांचा विश्वासू स्टार्टअप साथीदार बनत आहे.

स्टार्टअप महाराष्ट्र फेलोशिप प्रोग्रॅम ही एक ६ महिन्यांची अनोखी संधी आहे, जिथे मराठी तरुण थेट स्टार्टअप महाराष्ट्र टीम आणि महाराष्ट्रभरातील प्रेरणादायी स्टार्टअप फाउंडर्ससोबत काम करत उद्योजकतेचं खऱ्या अर्थानं बाळकडू शिकतात. ही फेलोशिप केवळ क्लासरूम ट्रेनिंग नसून, प्रत्यक्ष स्टार्टअप इकोसिस्टममध्ये उतरून शिकण्याचा, चुकण्याचा, अनुभव घेण्याचा आणि यशस्वी उद्योजक होण्याचा प्रवास आहे.

या फेलोशिपमध्ये सहभागी झालेल्या तरुणांना बिझनेस मॉडेल, टीम बिल्डिंग, मार्केटिंग, इन्व्हेस्टर प्रेझेंटेशन, कस्टमर डिस्कवरी अशा स्टार्टअपच्या मूलभूत गोष्टी थेट अनुभवातून समजतात.

 25

स्टार्टअप्स फाउंडर्स सोबत काम करण्याची संधी